Exo 23:14-19 | LugEEEE | STEP | “Ononkoleranga embaga emirundi esatu buli mwaka.

Exodus 23:14-19

Amateeka ku Mbaga Enkulu Essatu eza Buli Mwaka

14 ^a“Ononkoleranga embaga emirundi esatu buli mwaka.

15 ^b“Onookolanga Embaga ey’Emigaati Egitali Mizimbulukuse. Onoolyanga omugaati ogutaliimu kizimbulukusa okumala ennaku musanvu, nga bwe nakulagira. Kino okikolanga mu kiseera ekyategekebwa, mu mwezi gwa Abibu, kubanga mu mwezi ogwo mwe waviira mu nsi y’e Misiri.

“Tewabangawo ajja gye ndi engalo ensa.

16 ^c“Onookolanga Embaga ey’Amakungula ^{▼▼Embaga ey’Amakungula y’emu yeeyitibwa Embaga eya Wiiki (34:22) kubanga Embaga ey’Amakungula yabangawo oluvannyuma lw’Embaga ey’Okuyitako, ng’okukungula kwa kaggwa} ey’ebibala ebibereberye eby’ebirime bye wasiga mu nnimiro yo.

“Onookolanga Embaga ey’Amayingiza ^{▼▼Embaga ey’Amayingiza yabangawo ng’okukungula kwa kaggwa.} buli nkomerero ya mwaka, bw’onookuŋŋaanyanga ebibala by’omu nnimiro, n’obiyingiza.

17 ^f“Abasajja bonna banajjanga awali Mukama Katonda emirundi egyo esatu buli mwaka.

18 ^g“Temuwangayo kintu kyonna gye ndi ekirimu ekizimbulukusa nga mundeetedde ssaddaaka erimu omusaayi; n’amasavu aga ssaddaaka yange tegasulangawo kutuusa nkeera.

19 ^h“Ebibala ebisinga obulungi mu ebyo ebisoose okuva mu ttaka lyo obitwalanga mu nnyumba ya Mukama Katonda wo. Tofumbanga akaana k’embuzi mu mata ga nnyina waako. ^{▼▼Okufumba akaana k’embuzi mu mata ga nnyina waako yali mpisa y’Abakanani}